Entroido 2011: Orquestas

As festas de entroido da Feira non teñen rival. Este ano contamos coas seguintes orquestas:

LUNS 7:

ALKAR

NUEVA GENERACIÓN 

 MARTES 8:

CHARLESTON BIG BAND

E a grande atracción da oruqesta PANORAMA. Despois de repoñerse do  incendio do seu escenario o ano pasado, veñen con escenario completamente novo a presentar o seu


NOVO ESPECTÁCULO PLANET TOUR 2011,

que inclúe música de calidade, bailes espectaculares e PERFORMANCES.

Grandes festas de Carnaval na Feira

A FEIRA, Salceda de Caselas, presenta o seu  

CARNAVAL SHOW 2011

• Luns 7 de Marzo: ás 7 da tarde darán comenzo as Grandiosas "Festas de Carnaval" cun desfile de disfraces infantís con premios para os mellores. Ás 12 da noite concurso de disfraces de adultos con premios en metálico. A verbena estará amenizada polas orquestas NUEVA GENERACIÓN e ALKAR

• Martes 8 de Marzo: Ás 4 da tarde sairán do recinto de festas da Feira DUAS IMPRESIONANTES CARROZAS acompañadas pola COMPARSA formada polos veciños do barrio da Feira. Ás 5 da tarde farán a súa presentación na praza do concello. Ó remate volverán ó recinto de festas da Feira, onde haberá unha Gran Verbena amenizada polas orquestas CHARLESTON BIG BAND e PANORAMA.

• Sábado 12 de Marzo: Ás 8 do serán dará comenzo a QUEIMA DO CASTRIÑO á beira do regato da ameixoa e ó finalizar, no torreiro de festas haberá callos e chourizos con pan e viño. Un grupo musical amenizará a velada.

A Compañía "FONTE DO VIÑO" porá en escena os seguintes sainetes cómicos:
 

 ¡¡CASTRIÑO!!!! ¡¡ A CABEZA NON PARA !!! TANTO ESFORZO, TANTA VACA ESFORRICADA, E Ó FINAL FACEDES A MESMA CAGADA

VISTO PARA SENTENCIA, A FEIRA NON TEN COMPETENCIA

Xa ven o carnaval

O domingo 27 de Febreiro  xa se subiu a bandeira ó carballo do torreiro de festas da FEIRA, así que, oficialmente, estamos en vésperas do Carnaval.

O ambiente cheira a festa, a mimosas, a orellas de carnaval e a rivalidade ancestral entre rivais.

Xa veremos quen é o mellor, prepárate Castriño...

Calendario de Actividades 2011

Coma tódolos anos, adiantamosvos o calendario previsto de actividades para o ano 2011.

Estas datas son provisionais e poden sufrir cambios por imprevistos de última hora.

data	actividade
7 de Marzo	ENTROIDO: Concursos de disfraces para nenos e adultos
19 de Marzo	Día do Pai: xogo de chave e petanca
16 de Abril	Sendeirismo
1 de Maio	Día da Nai: xogos varios
23 de Xuño	Fogueira e Sardiñada de San Xoán
10 de Xullo	Día do socio
23,24,25 de Xullo	Excursión xuvenil
Xullo e Agosto	Campionato de volei-praia
Setembro	Excursión para maiores (de 18 anos)
5 de Outubro	Comida para socios maiores de 50 anos
5 de Novembro a 26 de Novembro	Ciclo cultural 2011

Pago Recibo Wifi

A directiva recórdavos que segundo o acordado en asamblea xeral, o prazo para pagar o recibo da wifi remata o próximo 31 de Marzo.

Asamblea Extraordinaria

Convócase unha Asamblea Xeral Extraordinaria o próximo sábado 12 de Febreiro de 2011 ás 21:30 en primeira convocatoria e ás 22:00 en segunda, para tratar a seguinte


ORDE DO DÍA:

• Aclaración de dudas e solución de problemas da rede WIFI
• Rogos e preguntas

Dada a importancia dos temas a tratar, prégase a asistencia de tódolos usuarios.

Paga o teu recibo, socio.

Recordámosvos que están ó cobro os recibos correspondentes ó ano 2011.
O próximo 31 de marzo remata o prazo para pagalo e aqueles socios que non paguen o seu recibo antes de dita data terán que afrontar un recargo do 20% no prezo.

Lembra que as aportacións dos socios son imprescindibles para que a asociación poida levar a cabo tódalas actividades programadas ó longo do ano, que son moitas.


Se eres estudiante, recorda que hai unha tarifa especial reducida. ¡ Non tes escusa para non colaborar !