Teatro en Parderrubias

O próximo Sábado 26 de Abril, o grupo de teatro da Asociación Cultural A Feira presentará a obra de Suso de Toro "Unha Rosa é unha Rosa, unha comedia de medo" no centro cultural de Parderrubias (Salceda) ás 22:00.

Amliada a rede Wifi

Xa se puxeron en marcha as dúas antenas que estaban pendentes de instalar. Finalmente as ubicacións elixidas foron Noveleira e Paxariña.
Proximamente instalarase outra antena nas Veiguiñas para mellorar a cobertura da rede.

Renovando o centro cultural

Fai xa uns anos que o centro cultural precisaba duns amaños, así que recentemente procedeuse a realizar algunhas reformas necesarias:

• Pintáronse as fachadas e o escudo.
• Instalouse unha estufa de leña na cantina con saída de aire quente no salón de actos.
• Ampliouse o escenario do salón de actos.
• Instalouse un ordenador con acceso a Internet para uso dos socios.
• Pintouse o salón de actos.

Proximamente fotos!

Wifi en marcha

Xa está instalado o servidor e a primeira antena da wifi. Esta primeira antena está no centro cultural.
De momento está todo en probas.

A seguinte fase vai ser facer medicións de alcance e buscar a mellor ubicación para as outras dúas antenas das que xa dispoñemos. De este modo ampliarase a cobertura ó maior alcance posible.

webcam: o entroido 2008 en directo

pulsando no seguinte enlace podes acceder á cámara web situada no torreiro de festas da Feira:

http://entroidoafeira.axiscam.net:50000/view/index.shtml

Nova Directiva

Na asamblea xeral ordinaria celebrada o pasado 26 de xaneiro, saíron elixidos os seguintes novos directivos:

Presidente: Joaquín Carracedo
Tesoureira: Nuria Fernández Iglesias
Vogal: Armando Fontán
Vogal: Andrés Veiga
Vogal: Manuel J. Rocha

ASAMBLEA XERAL ORDINARIA

A directiva da asociación cultural A FEIRA convoca a tódolos socios á Asemblea ordinaria que se celebrará no salón de actos do centro o día SÁBADO 26 DE XANEIRO de 2008 ás 21:30 h en 1ª convocatoria e ás 22:00 h en 2ª convocatoria coa seguinte orde do día:

• Lectura e aprobación, si procede, da acta anterior.
• Instalación dunha rede Wifi.
• Estado de obras actuais.
• Estado de contas.
• Obras realizadas e proxectos a realizar.
• Cambio de directiva: saída e reelección de PRESIDENTE, TESOREIRO e 3 VOCAIS.
• Rogos e preguntas.

RECÓRDASE A TÓDOLOS SOCIOS QUE O PRAZO PARA EFECTUAR O PAGO DO RECIBO DE SOCIO CORRESPONDENTE O ANO 2008 REMATA O VINDEIRO 31 DE MARZO.