Día da Nai

O próximo domingo día 3 de Maio, ás 17:00 celebraremos o día da nai.

Haberá un campionato de chave e xogos de habilidade

E como aliciente á participación haberá un detalle para tódalas nais socias que se acheguen polo centro.

Asamblea Xeral Ordinaria

Convócase a tódolos socios á asamblea xeral ordinaria que se celebrará no salón de actos do centro o próximo Sábado 8 de Febreiro de 2012 ás 21:00 en primeira comvocatoria e ás 21:30 en segunda convocatoria para tratar a seguinte orde do día:

• Lectura e aprobación, se procede, da acta anterior
• Estado de contas
• Proposta de adquisición dun elevador salvaescaleiras
• Obras realizadas e proxectos a realizar
• Cambio de directiva: elección de presidente, tesoureiro e 3 vocais
• Rogos e preguntas

Prégase a asistencia de tódolos socios

curso de iniciación á informática

A partir do mes de outubro realizarase no centro cultural A Feira un curso de iniciación á informática e novas tecnoloxías.

DÍAS: Mércores de 20:30 a 22:00

As clases darán comenzo o mércores 3 de outubro

Apúntate no centro cultural.

Fogueira de San Xoán

O próximo Domingo 23 de Xuño a partir das 22:30 imos celebrar a xa tradicional fogueira de San Xoán.

Haberá sardiñada acompañada de pan. O viño hai que traelo da casa.

Actuación do grupo folclórico  "Os de sempre" e estrea do grupo de gaitas do centro cultural

Os non socios deberán pagar 3 € e traer viño.

Fin de semana de humor, teatro e deporte

Dentro do Ciclo Cultural que estamos levando a cabo durante todo o mes de novembro, esta fin de semana temos as seguintes actividades:

• Venres: 21:30 Monólogos representados por veciños da Feira e o Barreiro.
• Sábado: 21:30 Teatro do grupo O Coto de San Esteban de Budiño, coa obra Escola de Analfabetos
• Domingo: 09:30 Sendeirismo con saída dende o centro cultural, percorrendo a senda do río Caselas completa, con parada para almorzar.

  

Fotos:
-O muiño da Laxe, extraída do blog Recendos dos camiños
-Grupo de teato O Coto de San Esteban de Budiño.

Actividades desta fin de semana

Dentro da programación do ciclo cultural 2010 que estamos a celebrar, esta fin de semana temos os seguintes actos:

• Sábado 13 ás 21:30 actuación do ilusionista Yuri Cardinali.

• Domingo 14 ás 10:00 marcha ciclista polas rúas do barrio.

Día da nai

Dia: Domingo 2 de Maio

Este ano, para celebrar que o día da nai cadra o Domingo 2 de maio, haberá un campionato de chave ás 16:30 para nais.

Todas aquelas nais socias ou parella de socio que pasen polo centro cultural esa tarde terán un pequeno agasallo por cortesía da asociación.

Carnaval 2010

Coma tódolos anos chegadas estas datas,  volven as Grandes Festas de Carnaval da Feira.
O luns grandes concursos de disfraces infantil e de adultos
O martes, as carrozas e comparsa do barrio da Feira amosará a tódolos presentes da praza do concello de Salceda o froito do duro traballo dos veciños do barrio durante os meses previos.

Renovando o centro cultural

Fai xa uns anos que o centro cultural precisaba duns amaños, así que recentemente procedeuse a realizar algunhas reformas necesarias:

• Pintáronse as fachadas e o escudo.
• Instalouse unha estufa de leña na cantina con saída de aire quente no salón de actos.
• Ampliouse o escenario do salón de actos.
• Instalouse un ordenador con acceso a Internet para uso dos socios.
• Pintouse o salón de actos.

Proximamente fotos!

Un pouco de historia

Corría o ano 1956 cando os veciños do barrio da Feira, que conservaban un ancestral afán pola unión xa daquela mítico nestas terras, conseguiron co seu esforzo construir o primeiro edificio social.


Posteriormente, o edificio sufriu unha gran remodelación no ano 1970, gracias tamén á colaboración dos veciños. Na fachada deste local xa aparecía o escudo que hoxe é o noso símbolo.