Pago Recibo Wifi

A directiva recórdavos que segundo o acordado en asamblea xeral, o prazo para pagar o recibo da wifi remata o próximo 31 de Marzo.

Asamblea Extraordinaria

Convócase unha Asamblea Xeral Extraordinaria o próximo sábado 12 de Febreiro de 2011 ás 21:30 en primeira convocatoria e ás 22:00 en segunda, para tratar a seguinte


ORDE DO DÍA:

• Aclaración de dudas e solución de problemas da rede WIFI
• Rogos e preguntas

Dada a importancia dos temas a tratar, prégase a asistencia de tódolos usuarios.

Paga o teu recibo, socio.

Recordámosvos que están ó cobro os recibos correspondentes ó ano 2011.
O próximo 31 de marzo remata o prazo para pagalo e aqueles socios que non paguen o seu recibo antes de dita data terán que afrontar un recargo do 20% no prezo.

Lembra que as aportacións dos socios son imprescindibles para que a asociación poida levar a cabo tódalas actividades programadas ó longo do ano, que son moitas.


Se eres estudiante, recorda que hai unha tarifa especial reducida. ¡ Non tes escusa para non colaborar !

Asamblea Xeral Ordinaria

Convócase a tódolos socios á ASAMBLEA XERAL ORDINARIA que se celebrará no salón de actos do centro cultural o día 15 de xaneiro de 2011 ás 21:30 en primeira convocatoria e ás 22:00 h en 2ª convocatoria coa seguinte orde do día:

• Lectura e aprobación, se procede, da acta anterior.
• Estado de contas
• Cambio de directiva: saída e elección de Secretario/a e 3 Vocais.
• Rogos e Preguntas.

Fin de semana de humor, teatro e deporte

Dentro do Ciclo Cultural que estamos levando a cabo durante todo o mes de novembro, esta fin de semana temos as seguintes actividades:

• Venres: 21:30 Monólogos representados por veciños da Feira e o Barreiro.
• Sábado: 21:30 Teatro do grupo O Coto de San Esteban de Budiño, coa obra Escola de Analfabetos
• Domingo: 09:30 Sendeirismo con saída dende o centro cultural, percorrendo a senda do río Caselas completa, con parada para almorzar.

  

Fotos:
-O muiño da Laxe, extraída do blog Recendos dos camiños
-Grupo de teato O Coto de San Esteban de Budiño.

Actividades desta fin de semana

Dentro da programación do ciclo cultural 2010 que estamos a celebrar, esta fin de semana temos os seguintes actos:

• Sábado 13 ás 21:30 actuación do ilusionista Yuri Cardinali.

• Domingo 14 ás 10:00 marcha ciclista polas rúas do barrio.

Ciclo Cultural 2010

Un ano máis, e con moito esforzo, a directiva da Asociación Cultural A Feira ten o orgullo de presentar o tradicional ciclo cultural, que este ano chega xa á sua edición número 41.

Trátase dun programa variado con actividades para tódolos públicos, que cubren un amplio abano de idades. Unha porta aberta á participación na vida social do barrio e unha invitación a saír da casa e pasar uns intres entre veciños para disfrutar das tardes de inverno.

A continuación o programa de actos.  
Tamén podes consultar o noso calendario en https://www.google.com/calendar/embed?src=acafeira@gmail.com

Este ano contamos durante todo o ciclo cultural con unha exposición permanente de esculturas realizadas con raíces por José Blanco.

Coma tódolos anos haberá campionatos de truco, tute, subasta, escoba, ping-pong, birisca, etc. Para participar nestes torneos hai que apuntarse no taboleiro de anuncios do centro cultural antes do 28 de outubro ás 10 da noite, porque ás 23:00 realizaranse os sorteos de partidas.