Día do Pai

O próximo domingo 20 de marzo celebraremos o día do pai 2016 coas seguintes actividades.

• Campionato de chave
• Campionato de petanca

Ademáis haberá xamón e viño para tódolos pais socios que asistan.

¡Anímate e participa!

Melloras na rede Wifi

Xa está operativa a nova antena da rede Wifi na zona baixa da Paxariña para mellorar os problemas de conexión que había nesta zona.

É posible que algunhas zonas doutros barrios, dependendo da ubicación, teñan mellor cobertura con esta nova antena.

Asamblea xeral Ordinaria

Convócase a tódolos socios á ASAMBLEA XERAL ORDINARIA que se celebrará no salón de actos do centro cultural o día Sábado 26 de xaneiro de 2013 ás 21:00 en primeira convocatoria e ás 21:30 h en 2ª convocatoria coa seguinte orde do día:

• Lectura e aprobación, se procede, da acta anterior.
• Estado de obras actuais.
• Estado de contas.
• Obras realizadas e proxectos a realizar.
• Cambio de directiva: saída e elección de Secretario/a e 3 Vocais.
• Rogos e Preguntas.

Festa de Reis

 

O próximo 5 de Xaneiro terá lugar a tradicional cabalgata de reis no recinto da A.C. A Feira, chegando as súas maxestades ás 7 da tarde.

Posteriormente os reis magos visitarán o belén vivinte e escoitarán as peticións de regalos de tódolos nenos do barrio.

Para finalizar haberá unha actuación sorpresa protagonizada polos nenos do barrio.

A construcción do espíritu de unión

A historia dos pobos non nace escrita nun libro. Constrúese a base de pequenas accións que, en conxunto, fan posibles logros imposibles de acadar de maneira individual.

Hoxe imos contar unha historia de colaboración entre persoas para acadar grandes retos, de cooperación en prol do ben común, de actos que fan posible legar ás xeracións futuras un mellor entorno.

Imos retroceder ós tempos da segunda república española, fai xusto 80 anos: 1932.

Naquela época había no centro da Feira unha carballeira cunha pendiente de para qué che vou a contar que resultaba pouco práctica como campo de festa ou esparcimento.

Foi gracias ó esforzo dos veciños, contando coa colaboración da emigración, especialmente dos residentes no Brasil, que se puido construir de forma cooperativa o actual torreiro da Feira.

A inscripción que se conserva no muro do torreiro

A obra non só consistiu en levantar o muro, senón que tamén era necesario acarrexar terra para ir enchendo o torreiro.
A escaseza de diñeiro propia do mundo rural da época non iba a parar a xente voluntariosa no seu afán de levar a cabo unha obra que entendían necesaria para o barrio.
Así que, con grande esforzo, loitando contra a forza da gravidade con grandes bloques de pedra, demostraron unha vez máis por qué  unión e traballo é o noso lema.
Cada veciño aportou desinteresadamente o seu carro, bois, vacas e o suor da súa frente para levar a cabo unha das maiores obras de enxeñaría que se recordan naquela  época pola zona.
Pouco a pouco, carriño a carriño, viaxe a viaxe foise acarrexando desde a Breda toda a terra necesaria ata conseguir nivelar coa máis alta cota do barrio da Feira.

Finalizada a obra, aquelas xentes humildes deixaron un pequeno óco no muro polo que asomaba un pequeno carballo que, aínda a día de hoxe, vixila desde a súa privilexiada posición, no alto da Feira, que sigamos todos unidos e traballando xuntos polo ben do barrio.

A placa do monolito recorda a colaboración da emigración

Carros vaciando terra no torreiro- Ano 1932-Arquivo A.C. A Feira

1956- Monolito na súa ubicación orixinal

A continuación unhas fotos inéditas do noso arquivo, que estarán dispoñibles na próxima edición, en canto haxa un volume suficiente de novas fotografías:

Monolito na súa ubicación orixinal

1932-Os carros vaciando terra no torreiro

De celebración no novo torreiro

O carballo de pequeno

O torreiro da Feira, aínda sen o primeiro centro cultural

.

Con agradecemento a Florencio Fernández e Isabel Fernández, que aportaron moitas, novas e moi valiosas fotografías para o arquivo do centro.

Ti tamén podes colaborar a que coñezamos mellor a nosa historia aportando as túas fotos antigas. ANÍMATE,  trae as túas fotos.

Ciclo Cultural 2012

Parece que xa chega o frío, así que imos entrando na época de darlle uso á nova calefacción do centro cultural participando nas numerosos actos, actividades e actuacións que terán lugar na 43 edición do noso xa lexendario CICLO CULTURAL.

Este ano teremos durante todo o ciclo cultural a 3ª edición da exposición de figuras de raíces realizadas por José Blanco.
A programación de actos é a seguinte:

DATA	HORA	ACTIVIDADE
SÁBADO 3 NOVEMBRO	16:00	Saída ó monte na procura de productos típicos de outono (castañas, noces, cogumelos) acompañados por unha micóloga da zona
	21:00	Magosto e degustación de productos típicos de outono
DOMINGO 4 NOVEMBRO	9:30	Marcha ciclista polas rúas do barrio, con sorte de agasallos entre os participantes
VENRES 9 NOVEMBRO	22:00	Charla e cata-degustación de viños
SÁBADO 10 NOVEMBRO	22:00	Banda de música xuvenil de Salceda
DOMINGO 11 NOVEMBRO	16:30	Día do neno. Xogos tradicionais, concursos de debuxo e redacción. Hinchables.
VENRES 16 NOVEMBRO	22:00	Proxección de fotos e vídeos das actividades realizadas ó longo do ano
SÁBADO 17 NOVEMBRO	22:00	Grupo de teatro de Rebordáns Obra: OVELLAS NEGRAS
DOMINGO 18 NOVEMBRO	9:30	Sendeirismo dende o centro cultural pola senda do río Caselas, con parada para almorzar.
VENRES 23 NOVEMBRO	21:30	En busca do tesouro. Para maiores de 16 anos. Para participar apuntarse en grupos de 4 a 6 participantes antes do día 21
SÁBADO 24 NOVEMBRO	21:00	Concurso de viños, doces e tortillas
	21:30	Entrega de premios e trofeos das distintas actividades e camionatos realizados durante o ciclo cultural
	22:00	Teatro a cargo dos nenos da Feira OBRAS: A LOUCURA DE NICANOR VERANEANDO EN SANXENXO

Vista aérea da Feira no ano 2005 - Arquivo Fotográfico A.C. A Feira

III Festa Gastronómica do Corzo

O próximo 14 de outubro teremos a festa gastronómica do corzo.

Será no torreiro de festas da concepción en Salceda

Non te esquezas!



 

Ver TORREIRO DA IGREXA DE SALCEDA nun mapa máis grande