5º Encontro de Ranchos

 O próximo sábado 30 de decembro celebrarase o quinto encontro de ranchos tradicionais.

LII ciclo cultural 2023

 Un ano máis chega o tradicional ciclo cultural, este ano durante o mes de outubro, con actividades para tódolos públicos

Excursión á iila de Tambo, Poio e Combarro

 

Curso de ioga

 Dentro do programa conectadas da diputación de Pontevedra, este ano temos un curso de ioga para aprender a relaxarse e tonificarse físicamente.

Actuación do rancho en La Baña (León)

 O próximo 8 de xullo o rancho de reis da Asociación Cultural  A Feira actuará no FESTIVAL DE FOLCLORE LA CABRERA, na localidade de La Baña, provincia de León, dentro do programa de fiestas de la cabrera 2023

 

San Xoán: Tradición e sabor na asociación cultural A Feira

 

A fogueira de San Xoán, acompañada de sardiñas asadas, é unha tradición arraigada na nosa cultura, onde se mesturan crenzas ancestrais e a alegría de compartir con seres queridos. Cada ano, esta festividade bríndanos a oportunidade de conectar coas nosas raíces e renovar a esperanza nun futuro próspero e cheo de bos momentos.

A celebración do San Xoán remóntase a tempos ancestrais, cando os nosos antepasados adoraban ao solsticio de verán e realizaban rituais para protexerse dos malos espíritos e atraer a boa sorte. A fogueira era un elemento central nesta festividade, pois críase que o lume purificador limparía as maldades e os problemas do pasado, deixando paso ás boas enerxías e novas oportunidades.

Co paso do tempo, a festividade de San Xoán asentouse na nosa cultura como unha celebración popular. A tradición de acender a fogueira e saltar sobre ela, acompañada de comidas típicas como as sardiñas, converteuse nun símbolo de renovación e unión comunitaria.

Outro ano máis, na noite do 23 de xuño, os terreos da asociación de veciños enchéronse de tradición coa celebración da  fogueira de San Xoán e sardiñada organizada pola asociación cultural A Feira. 

Os membros da batukada "Os Espantarratos" foron os encargados de animar a noite cos seus potentes ritmos. As súas interpretacións enérxicas e cheas de vida contaxiaron aos presentes, creando un ambiente festivo que animou a bailar e gozar da noite máxica.

Pero sen dúbida, o prato principal da noite foron as sardiñas, preparadas con esmero e servidas en abundancia. O aroma a brasa e peixe atraía aos comensais, quen non podían resistirse a probar unha e outra vez estas delicias culinarias. Houbo sardiñas en abundancia para probar, repetir e tripitir. Desde mozos ata maiores, todos compartiron a paixón polas sardiñas asadas con pan de millo.

A directiva da asociación cultural A Feira, coa inestimable axuda dos voluntarios, encargouse de organizar cada detalle desta celebración, co obxectivo de preservar as nosas tradicións e fomentar o sentido de comunidade na noso barrio. Grazas á súa dedicación e esforzo, veciños e visitantes puideron gozar dunha noite chea de sabor e ritmo.

 

En resumo, a noite do 23 de xuño foi un verdadeiro festín para os sentidos nos terreos da asociación de veciños, onde a batucada "Os Espantarratos" puxo o ritmo e as sardiñas asadas foron as protagonistas. Grazas á asociación cultural A Feira e á participación entusiasta de todos, esta celebración de San Xoán converteuse nun auténtico éxito, recordándonos a importancia das nosas tradicións e a alegría de compartir momentos especiais en comunidade.

 

 

Unha emocionante excursión a A Coruña coa Asociación Cultural A Feira

 

O pasado 18 de xuño tivemos a oportunidade de acompañar a un grupo de nenos da Asociación Cultural  nunha trepidante excursión á fermosa cidade da Coruña. Foi un día cheo de diversión e aprendizaxe, a pesar de que a choiva nos perseguiu durante todo o día e incluso chegou a alcanzarnos de cheo.

A Asociación Cultural "A Feira" é unha organización dedicada a fomentar a cultura, a educación e o entretemento para tódalas idades. Esta vez tocoulle ós nenos. Esta viaxe a Coruña foi unha das numerosas actividades que organizamos para brindarlles experiencias enriquecedoras e saídas fóra do común.

A xornada comezou cedo pola mañá, cando nos xuntamos no centro cultural con moitas cariñas de sono para embarcar no autobús. A pesar de que o ceo xa non presaxiaba moi bo día, a emoción dos pequenos non se viu afectada para nada. Xunto a eles foron os 9 membros da directiva da asociación, que supervisaron e coordinaron a excursión para asegurarse de que todo fose seguro e divertido para os nenos.

Unha vez que chegamos, adentrámonos nun mundo de descubrimento e aventuras. A primeira parada foi a Casa das Ciencias, un lugar fascinante onde os nenos puideron explorar o apaixonante mundo da ciencia de forma interactiva.

 

 

Alí desfrutamos dunha proxección especial no planetario que nos levou a unha viaxe ao pasado para coñecer os impresionantes dinosaurios que habitaron a Terra. Os nenos estaban fascinados mentres contemplaban as imaxes dos dinosauros en movemento, aprendendo máis sobre a súa historia e características. Ademais, tamén tiveron a oportunidade de observar estrelas, planetas e aprender sobre o universo durante a proxección.

Despois de marabillarse coa visita ao planetario, dirixímonos á Domus, un museo interactivo que explora a anatomía humana, a ciencia e a natureza dunha forma divertida e educativa. Pero primeiro unha paradiña para o almorzo, que xa levabamos moito tempo sin probar bocado.
 

A pesar de que fóra continuaba a chover intermitentemente, os nenos tiveron a oportunidade de participar en experimentos, xogos interactivos e exposicións que estimularon a súa curiosidade e lles ensinaron de forma práctica sobre o mundo que nos rodea.

 

Outra pausa para alimentarse, esta vez para xantar na zona de picnic reservada para nós. 

A seguinte parada no noso itinerario foi o impresionante Acuario Finisterrae, onde os nenos puideron mergullarse no mundo mariño e coñecer de preto a riqueza e diversidade da vida acuática. A súa emoción e asombro ao ver os tiburóns nadando ao seu redor foi inesquecible. A pesar da choiva, os nenos non deixaron que nada lles roubase a ilusión de ver eses impresionantes animais mariños.

Lamentablemente, a visita ao Parque de San Pedro tivo que ser cancelada debido ás intensa choiva. A seguridade dos nenos era a nosa prioridade, e considerando as condicións climáticas adversas, decidimos non levalos. Outras visitas coma o paseo marítimo ou a praia de Riazor fixéronse desde o autobús, con explicacións dun guía local. 

Xa no camiño de volta, nova pausa para repoñer forzas e alimentarse, que eses pequenos corpos non se manteñen do aire.

 

Esta excursión a Coruña foi unha bonita experiencia para todos. A pesar da choiva, os nenos puideron disfrutar, aprender e pasar un día diferente mostrando unha actitude positiva e entusiasta en todo momento. 

COMIDA DO SOCIO

O próximo domingo 2 de Xullo celebraremos atradicional comida do socio no parque dos agoeiros.

Fogueira de San Xoán

 O próximo 23 de xuño teremos a tradicional fogueira de San Xoán con sardiñas gratis para socios

Grande éxito de participación no día da familia

 O domingo 14 de maio celebramos o día da familia.

Divertímonos participando en  xogos populares e coa actuación de Cé Orquesta Pantasma

Excursión para nenos

 

O próximo domingo 18 de xuño teremos a tradicional excursión para nenos.

Este ano o destino será a fermosa cidade da coruña, para visitar os museos científicos.

Itinerario:

•  8:15 Saída da Feira
• 11:00 Visita a Casa das ciencias
• 12:30 Visita a Domus
• 14:00 Comida
• 15:00 Acuario
• 17:30 Parque de San Pedro
• 19:00 Regreso
• 21:30 Chegada á Feira

Prezos:

• Fillos de socio: GRATIS (recibo de 2023 pago)
• Outros: 20 €
• O prezo inclúe as entradas ós museos

Excursión con prazas limitadas por orde de inscrición.

Só para nenos, con preferencia para fillos de socios. 

Os nenos con discapacidade que precisen asistencia poden levar un acompañante adulto.

Asinar a autorización ó apuntarse

Idades: de 6 a 14 anos (nados entre 2009 e 2017, ambos incluidos)

O prazo de inscrición remata o día 12 de xuño.

Hai que levar á excursión: 

• Autorización asinada
• Crema solar posta da casa
• Gorra
• Comida e bebida

14 de Maio, día da familia

O próximo 14 de maio celebramos o día da familia 

Actuación de Cé Orquesta Pantasma 

Xogos populares 

SERVIZO DE BAR

Paga o recibo, socio

Recordámosvos que están ó cobro os recibos correspondentes ó ano 2023.

O próximo 31 de marzo remata o prazo para pagalo e aqueles socios que non paguen o seu recibo antes desa data terán que afrontar un recargo do 20%.

Lembra que as aportacións dos socios son necesarias para que a asociación poida levar a cabo tódalas actividades programadas ó longo do ano, que son moitas.


Se tes menos de 26 anos tes tarifa especial reducida. ¡ Non tes escusa pa non colaborar !