2 de nov. de 2012

A construcción do espíritu de unión

A historia dos pobos non nace escrita nun libro. Constrúese a base de pequenas accións que, en conxunto, fan posibles logros imposibles de acadar de maneira individual.

Hoxe imos contar unha historia de colaboración entre persoas para acadar grandes retos, de cooperación en prol do ben común, de actos que fan posible legar ás xeracións futuras un mellor entorno.

Imos retroceder ós tempos da segunda república española, fai xusto 80 anos: 1932.

Naquela época había no centro da Feira unha carballeira cunha pendiente de para qué che vou a contar que resultaba pouco práctica como campo de festa ou esparcimento.

Foi gracias ó esforzo dos veciños, contando coa colaboración da emigración, especialmente dos residentes no Brasil, que se puido construir de forma cooperativa o actual torreiro da Feira.

A inscripción que se conserva no muro do torreiro
A obra non só consistiu en levantar o muro, senón que tamén era necesario acarrexar terra para ir enchendo o torreiro.
A escaseza de diñeiro propia do mundo rural da época non iba a parar a xente voluntariosa no seu afán de levar a cabo unha obra que entendían necesaria para o barrio.
Así que, con grande esforzo, loitando contra a forza da gravidade con grandes bloques de pedra, demostraron unha vez máis por qué  unión e traballo é o noso lema.
Cada veciño aportou desinteresadamente o seu carro, bois, vacas e o suor da súa frente para levar a cabo unha das maiores obras de enxeñaría que se recordan naquela  época pola zona.
Pouco a pouco, carriño a carriño, viaxe a viaxe foise acarrexando desde a Breda toda a terra necesaria ata conseguir nivelar coa máis alta cota do barrio da Feira.

Finalizada a obra, aquelas xentes humildes deixaron un pequeno óco no muro polo que asomaba un pequeno carballo que, aínda a día de hoxe, vixila desde a súa privilexiada posición, no alto da Feira, que sigamos todos unidos e traballando xuntos polo ben do barrio.



A placa do monolito recorda a colaboración da emigración

Carros vaciando terra no torreiro- Ano 1932-Arquivo A.C. A Feira
1956- Monolito na súa ubicación orixinal


A continuación unhas fotos inéditas do noso arquivo, que estarán dispoñibles na próxima edición, en canto haxa un volume suficiente de novas fotografías:

Monolito na súa ubicación orixinal

1932-Os carros vaciando terra no torreiro
De celebración no novo torreiro

O carballo de pequeno

O torreiro da Feira, aínda sen o primeiro centro cultural

.


Con agradecemento a Florencio Fernández e Isabel Fernández, que aportaron moitas, novas e moi valiosas fotografías para o arquivo do centro.

Ti tamén podes colaborar a que coñezamos mellor a nosa historia aportando as túas fotos antigas. ANÍMATE,  trae as túas fotos.

24 de out. de 2012

Ciclo Cultural 2012


Parece que xa chega o frío, así que imos entrando na época de darlle uso á nova calefacción do centro cultural participando nas numerosos actos, actividades e actuacións que terán lugar na 43 edición do noso xa lexendario CICLO CULTURAL.

Este ano teremos durante todo o ciclo cultural a 3ª edición da exposición de figuras de raíces realizadas por José Blanco.
A programación de actos é a seguinte:


DATA HORA ACTIVIDADE
SÁBADO 3 NOVEMBRO 16:00  Saída ó monte na procura de productos típicos de outono (castañas, noces, cogumelos) acompañados por unha micóloga da zona
21:00  Magosto e degustación de productos típicos de outono
DOMINGO 4 NOVEMBRO 9:30  Marcha ciclista polas rúas do barrio, con sorte de agasallos entre os participantes
VENRES 9 NOVEMBRO 22:00  Charla e cata-degustación de viños
SÁBADO 10 NOVEMBRO 22:00  Banda de música xuvenil de Salceda
DOMINGO 11 NOVEMBRO 16:30  Día do neno.
Xogos tradicionais, concursos de debuxo e redacción. Hinchables.
VENRES 16 NOVEMBRO 22:00  Proxección de fotos e vídeos das actividades realizadas ó longo do ano
SÁBADO 17 NOVEMBRO 22:00  Grupo de teatro de Rebordáns
Obra: OVELLAS NEGRAS
DOMINGO 18 NOVEMBRO 9:30  Sendeirismo dende o centro cultural pola senda do río Caselas, con parada para almorzar.
VENRES 23 NOVEMBRO 21:30  En busca do tesouro. Para maiores de 16 anos.
Para participar apuntarse en grupos de 4 a 6 participantes antes do día 21
SÁBADO 24 NOVEMBRO 21:00 Concurso de viños, doces e tortillas
21:30 Entrega de premios e trofeos das distintas actividades e camionatos realizados durante o ciclo cultural
22:00 Teatro a cargo dos nenos da Feira
OBRAS: A LOUCURA DE NICANOR

VERANEANDO EN SANXENXO


Vista aérea da Feira no ano 2005 - Arquivo Fotográfico A.C. A Feira



27 de set. de 2012

III Festa Gastronómica do Corzo

O próximo 14 de outubro teremos a festa gastronómica do corzo.

Será no torreiro de festas da concepción en Salceda

Non te esquezas!



 

Ver TORREIRO DA IGREXA DE SALCEDA nun mapa máis grande

6 de set. de 2012

Clases de aerobic


A partir do mes de setembro reanúdanse no centro cultural as clases de aerobic e mantemento corporal.

Días: MARTES E XOVES ÁS 22:00

Prezos: Socios 15 € por mes
            Non socios 20 € por mes

Importante: anotarse no centro cultural

As clases darán comenzo o martes 18 de setembro

Imprescindible traer roupa cómoda e esterilla.

29 de ago. de 2012

Excursión a Salamanca

EXCURSIÓN PARA MAIORES DE 18 ANOS


Praza Maior de Salamanca


Ciudad Rodrigo
Alba de Tormes

Data:  15 e 16 de Setembro

Visitas:
  • Salamanca
  • Ciudad Rodrigo
  • Alba de Tormes 
  • Zamora

Itinerario:

Sábado: Saída e visita a Alba de Tormes. Comida. Visita a Salamanca, cena no hotel
Domingo: Desaiuno e saída cara Ciudad Rodrigo. Comida. Volta pa casa con parada en Zamora


A excursión sólo se realizará si se xunta o mínimo de persoas necesario para levala a cabo.

Prezos:
Socios 115 €
Non Socios 145 €

O prezo inclúe viaxe en autocar, pensión completa, guía acompañante e seguro de viaxe.


Inscrición:  ata o 2 de setembro no centro cultural. Prégase pagar ó anotarse.


22 de xul. de 2012

Campionato de Volei-Praia


Xa chegou a edición deste ano do campionato de verán de volei praia.
Este ano o campionato comenzará o 1 de Agosto. Os partidos xogaranse de luns a venres
  • Os equipos deben ser mixtos cun mínimo de 5 e un máximo de 8 integrantes.
  • Tódolos xogadores deben cumplir unha das seguintes condicións:
    • Ser socio/a
    • Ser fillo/a de socio/a e ter entre 12 e 18 anos
  • Os equipos teñen que apuntarse na lista que está no taboleiro de anuncios da asociación ata o día 27 de Xullo.
  •  Non se aprazarán partidos
O día 28 de xullo realizarase o sorteo de partidos e publicarase o calendario dos mesmos.


28 de xuño de 2012

Comida do socio 2012


Un ano máis chega o momento de celebrar a unión de tódolos habitantes do barrio mediante a tradicional festa do socio.

Data e lugar: domingo 8 de xullo nos agoeiros.

ACTIVIDADES:

11:00  parva: augardente con figos para todos os maiores de idade presentes
12:00  partido de fútbol entre solteiros/as e casados/as.
14:00  comida
17:00   xogos tradicionais: chave, corda, carreira de sacos, pincha…



MENÚ:
  • carne ó caldeiro
  • pan
  • viño
  • café
  • postre.

PREZOS:

socios, e fillos de socios de 14 a 18 anos 8 euros
fillos de socios de 10 a 14 anos 4 euros
fillos de socios menores de 10 anos  gratis
non socios maiores de 14 anos    16 euros
non socios menores de 14 anos 8 euros

prazo de inscripción: ata o 2 de xullo na a.c. a feira.

condicións:
  • ter o recibo de socio ó corrente.
  • cada comesal debe traer os platos, vasos, tenedores, etc.               
Actuará o grupo folklórico "OS DE SEMPRE"
    pagar no momento de anotarse


    21 de xuño de 2012

    Fogueira de San Xoán



    O próximo Sábado 23 de Xuño a partir das 22:30 imos celebrar a xa tradicional fogueira de San Xoán.

    Haberá sardiñada acompañada de pan. O viño hai que traelo da casa.

    Os non socios deberán pagar 3 € e traer viño.

    9 de xuño de 2012

    Clases de gaita e baile galego


    Imos tentar levar a cabo no centro cultural clases de gaita e baile galego, sempre que se xunte o número mínimo de persoas necesarias para levar a cabo ditas actividaes.


    Clases de Baile:
    • Mínimo 16 persoas
    • 1 clase á semana, día a determinar
    • Prezo aproximado: 10€/mes por persoa

    Clases de Gaita:
    • Mínimo 10 persoas
    • 1 clase á semana, día a determinar
    • Prezo aproximado: 10€/mes por persoa
    Inscrición no tabloleiro de anuncios do centro cultural ata o día 30 de xuño

    2 de xuño de 2012

    Excursión para nenos ó aquapark de Cerceda








    O próximo sábado 30 de xuño faremos a exursión para nenos, que este ano será ó parque acuático de Cerceda

    A saída será do torreiro do centro cultura ás 8:30 da mañán

    A idade máxima para asistir son 18 anos.

    O custe para fillos de socio é 7 € si tes o recibo de este ano pago.
    Para non socios son 12 €.
    O prezo da entrada vai incluido na excursión.
    Pagarase o día da excursión antes da saída.

    Para ir á excursión é necesaria unha autorización asinada polos pais ou titores.

    O prazo de inscrición remata o 24 de xuño.

    Para que a excursión se poida realizar é necesario que se inscriban un mínimo de 20 asistentes.

    Cada un deberá levar a súa comida, bañador e toalla.


    5 de maio de 2012

    6 de Maio, Día da nai




    O próximo domingo día 6 de maio, ás 16:30 celebraremos o día da nai.

    Haberá un campionato de chave para tódalas nais socias que desexen participar.

    Tamén haberá campionato de petanca para todos aqueles/as que queiran participar.

    E como aliciente á participación haberá un detalle para tódalas nais socias que se acheguen polo centro.

    16 de abr. de 2012

    Sendeirismo Melide-Arzúa


    Ruta: Melide-Arzúa (Provincia de A Coruña)
    Data: Domingo 29 de Abril
    Saída: ás 8:00 do centro cultural

    O almorzo e o xantar van a cargo da asociación cultural

    O prazo de inscripción remata o 22 de Abril.
    Hai límite de prazas. Ó completar as prazas do autobús non se admitirán máis inscripcións.

    PAGAR Ó ANOTARSE

    Prezos:

    Socios (con recibo de 2012 pago)10 €
    Fillos de socios de 15 a 18 anos5 €
    Fillos de socios ata 14 anosGRATIS
    Fillos de socios maiores de 18 anos non socios15 €
    non socios15 €



    12 de abr. de 2012

    Charla sobre separación de resíduos



    O Próximo venres 13 de Abril ás 20:30
    terá lugar no salón de actos da Asociación Cultural A Feira unha charla informativa por parte do Concello de Salceda sobre a separación de lixo, onde se comentará a forma correcta para desfacerse dos distintos tipos de desperdicios domésticos.

    Recorda que ademáis de estar prohibido e penado con sanción, desprenderse do lixo no monte é incívico, resulta estéticamente aberrante e pode resultar moi dañino para o medio natural.

    Nesta charla aprenderemos como hai que actuar para desfacerse de aparellos voluminosos, como desprenderse de materiais perigosos e cal é o contedor apropiado para cada tipo de refugallo.

    Trátase dun tema moi interesante, polo que recomendamos a asistencia de todos os veciños.